Bu xurmanın qiyməti 60 manatdır

Tarix: 6 Aprel 2022 02:22

Ramazan ayında ən çox alınan nemətlərdən biri xurmadır. Hazırda marketlərdə qablaşdırılmış xurmanın qiymətində endirim müşahidə olunur. Marketlərdə xurma növünə görə 2,40-13 manat arasında dəyişir.

Sonxeber.net axar.az-a istinadən xəbər verir ki,  quru meyvə dükanlarında xurmanın qiyməti marketlərə nisbətən daha bahadır.

Mədinə xurmasının kilosu bəzi dükanlarda növünə görə 5-10 manatdır. Bəzilərində İrandan gələn Mədinə xurması 14 manat, Səudiyyədən gələn isə 30 manatdır. İran xurması 4-5 manat arasında dəyişir. Tunis xurması 7 manat, Fələstin-İsrail xurması 25-30 manatdır.

Dükanlarda ən baha xurma "peyğəmbər xurması" sayılan ajvadır. Kilosu 60 manatdır.