Salyanda örüş sahələrində süni göllər yaradılıb - Sakinlər narazıdır - VİDEO

Tarix: 11 Aprel 2022 14:08

Salyanda örüş sahələrində süni  göllər yaradılıb və əkin sahələrinin suvarılması üçün nəzərdə tutulan şirin su bu göllərə yönəldilir.

Milli.Az Xəzər TV-yə istinadən xəbər verir ki, söhbət Salyanın  Şorsulu kənd  ərazi vahidliyindən gedir.

Sözügedən  ərazidə Şorsulu və Boranıkənd kəndləri  yerləşir. Sakinlərin iddiasına görə, yaradılmış göllər suyu əkin sahələri üçün nəzərdə tutulmuş su kanallarından götürür. Ona görə də əkin sahələrini suvara bilmirlər.

Onların digər problemi isə bu göllərin örüş sahələrində yaradılmasıdır. Ona görə də təsərrüfat sahibləri mal-qaranı otarmağa yer tapa bilmirlər.

Məsələ ilə bağlı Salyan Suvarma Sistemləri İdarəsindən bildiriblər ki, bu mövsümdən toxum balıqlar olmayan göllərə su verilməyəcək. Balıq olan təsərrüfatlara isə su qismən veriləcək. Yeni mövsümdən isə  yalnız əkin sahələrinə  suyun verilməsi nəzərədə tutulub.

Şorsulu bələdiyəsindən isə deyiblər ki, sözügedən  balıq  gölləri 2000-2010-cu  illərdə yaradılıb. Artıq  problemlə bağlı komissiya yaradılıb, əraziyyə baxış keçirilib. Vaxtı bitmiş təsərrüfat sahələrinin sahiblərinə akt tərtib olunaraq, cərimə tətbiq  olunub və onlara göllərin ləğv edilməsi üçün xəbərdarlıq olunub.

Mövzu ilə bağlı daha ətraflı videomaterialı təqdim edirik:

Milli.Az