Aktual mövzular: Dollar alış-satışı, Neftin qiyməti, COP29, Hava proqnozu

Tural Gəncəliyev: Dağlıq Qarabağdakı qanunsuz ''seçkilər'' xunta rejiminin düşdüyü çıxılmaz vəziyyətin göstəricisidir

Tarix: 13 Sentyabr 2019 19:56

Bakı. Samir Əli - Trend:

Dağlıq Qarabağdakı qanunsuz "seçkilər" xunta rejiminin düşdüyü çıxılmaz vəziyyətin göstəricisidir.

Trend-in məlumatına görə, bunu jurnalistlərə açıqlamasında Dağlıq Qarabağ bölgəsinin azərbaycanlı icmasının (DQBAİ) rəhbəri Tural Gəncəliyev deyib.

Onun sözlərinə görə, saxta “seçkilər” həmçinin Ermənistan hakimiyyəti və qondarma rejim arasında ixtilafların mövcudluğunu bir daha açıq şəkildə büruzə verir: "Bununla bağlı Dağlıq Qarabağda qanunsuz "seçkilər" keçirir, bir-iki nəfər xarici ölkədən olan deputat və nümayəndələri Dağlıq Qarabağa gətirməklə şou yaradırlar. Bu, yalnız təxribat xarakterli hərəkətlərdir, xunta rejiminin düşdüyü çıxılmaz vəziyyətin göstəricisidir. Onlar çaba altında olan erməni icmasından alət kimi istifadə etməklə belə təxribatlara əl atırlar. Bu təxribatların isə heç bir nəticəsi olmayacaq. Dağlıq Qarabağa səfər edən həmin nümayəndələrə biz öz tərəfimizdən bəyanatlar veririk, onları həmin səfərdən çəkindirməyə çağırırıq. Təbii ki bu səfərlərin heç bir hüquqi əsası yoxdur".

Trend-in ən mühüm və maraqlı xəbərlərini "Telegram"da izləyin

Whatsapp ilə göndər