Aktual mövzular: Dollar alış-satışı, Məzənnə, Neftin qiyməti

Ukrayna kəşfiyyatı: "Rusiya Mariupolda "parad" keçirməyə hazırlaşır"

Ukrayna kəşfiyyatı:

Tarix: 4 May 2022 14:54

"Rusiya xarabalığa çevrilmiş Mariupolda mayın 9-da "parad" keçirməyə hazırlaşır".

Milli.Az "Report"a istinadən xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.

"Bunun üçün Rusiya Prezident Administrasiyası rəhbərinin birinci müavini Sergey Kiriyenko şəhərə gəlib. Donetskdə bu il "bayram" keçirilməyəcək. Ona görə "təntənə"nin Mariupolda baş tutması planlaşdırılır. Buna görə də şəhərin mərkəzi küçələrini dağıntılardan, meyitlərdən və partlamamış sursatlardan təmizləyirlər. Genişmiqyaslı təbliğat davam edir", - Baş Kəşfiyyat İdarəsindən bildirilib.

Həmçinin vurğulanıb ki, Kremlin təbliğatçısı, telejurnalist Vladimir Solovyov və Donetskin "rəhbəri" Denis Puşilin də Mariupola gəliblər.

Xatırladaq ki, Ukrayna kəşfiyyatının məlumatına görə, Rusiya ölkədə "xüsusi əməliyyatı" sentyabr ayına qədər davam etdirməyi planlaşdırır.

Milli.Az


Etiketlər:  Ukrayna kəşfiyyatı Rusiya Mariupolda parad keçirməyə hazırlaşır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ