Aktual mövzular: Dollar alış-satışı, Neftin qiyməti, COP29, Hava proqnozu

İsveç müxalifəti NATO-ya üzv olmaq əleyhinə çıxış edib

İsveç müxalifəti NATO-ya üzv olmaq əleyhinə çıxış edib

Tarix: 16 May 2022 08:20

İsveçdəki Sol Partiyasının lideri Nuşi Dadqostar ölkəsinin NATO-ya üzv olmasına qarşı çıxış edib.

Sonxeber.net APA-ya istinadən xəbər verir ki, bu barədə o, "Facebook" səhifəsində yazıb.

Onun sözlərinə görə, dövlətin Şimali Atlantika Alyansına üzvlüyü yaxın ərazilərdə təhlükəli eskalasiya yaradır.

"Gərginlik artır, münaqişə riski artır. Bu yanlış yoldur", - deyə siyasətçi bildirib.

O, həmçinin qeyd edib ki, İsveçin bu bloka üzv olması ölkəni Ukraynada silahlı münaqişəyə cəlb edə bilər.

Bundan əlavə, o, Alyansın himayəsi altında müharibələrdə iştirak etməli ola biləcəyi fikrini ifadə etdi.

Partiyanın başqa bir rəhbəri bildirib ki, Stokholm NATO-ya üzv olmaqla siyasi təzyiqlərlə üzləşə bilər.

Dadqostar nüvə silahının İsveç ərazisində yerləşdirilməsi imkanlarına xüsusi diqqət yetirib.

O hesab edir ki, bu baş verərsə, Rusiya İsveçi təhlükə kimi qəbul edəcək.

Bundan əlavə, o qeyd edib ki, İsveç Alyansa qoşulmaq üçün Türkiyə Prezidenti Rəcəb Tayyib Ərdoğanın kürd qoşunlarına dəstəyin dayandırılması da daxil olmaqla irəli sürdüyü tələbləri yerinə yetirməli olacaq.


Etiketlər:  İsveç müxalifəti NATO üzv olmaq əleyhinə çıxış edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ