Aktual mövzular: Dollar alış-satışı, Məzənnə, Neftin qiyməti

"Təhsil kreditləri haqqında" qanun layihəsi hazırlanacaq

Tarix: 17 Sentyabr 2019 15:24

Bakı. İlhamə İsabalayeva - Trend:

Təhsil haqlarının ödənilməsi ilə bağlı ayrıca qanun layihəsinin qəbulunu məqsədəuyğun hesab edirik. Bununla bağlı hazırda “Təhsil kreditləri haqqında” qanun layihəsinin hazırlanması gündəmdə olan əsas vacib məsələlərdəndir.

Trend-in məlumatına görə, bunu Milli Məclisin Elm və təhsil komitəsinin iclasında çıxış edən komitə sədri İsa Həbibbəyli deyib.

Onun sözlərinə görə, komitəyə daxil olan müraciətlərin böyük hissəsi tələbələrin təhsil haqlarının ödənilməsi ilə bağlı olub: “Təhsil haqlarının ödənilməsi ilə bağlı xüsusi qanun layihəsinin hazırlanmasını zəruri sayırıq. Bu istiqamətdə iş aparıq. “Ali təhsil haqqında “qanun layihəsini bitirdikdən sonra “Təhsil kerditləri haqqında” qanun layihəsi hazırlanacaq. Artıq Təhsil Nazirliyi , müvafiq nazirliklər ilə müəyyən söhbətlər aparırıq. TN bu istiqamətdə özünün təkliflərini də hazırlayıb Maliyyə Nazirliyinə təqdim edib”.

Whatsapp ilə göndər