Ukraynanın AN-26 hərbi nəqliyyat təyyarəsi vurulub

Tarix: 5 Iyun 2022 15:56

Rusiya Hava hücumundan müdafiə sistemləri Odessada Ukrayna Hərbi Hava Qüvvələrinin AN-26 hərbi nəqliyyat təyyarəsini vurub.

Sonxeber.net APA-ya istinadən bildirir ki, bu barədə Rusiya Müdafiə Nazirliyinin rəsmi nümayəndəsi İqor Konaşenkov bu gün keçirdiyi brifinqdə bildirib.

Qeyd edilib ki, ötən sutka ərzində Rusiya Hava Hücumundan Müdafiə Sistemləri Odessada Ukraynaya məxsus silah-sursat və hərbi texnika daşıyan AN-26 hərbi nəqliyyat təyyarəsi havada vurulub.

İqor Konaşenkov bundan əlavə, Rusiya Hava Kosmik Qüvvələrinin havadan buraxılan yüksək dəqiqlikli uzaqmənzilli raketlərlə Kiyev ətrafında Şərqi Avropa ölkələrinin tədarük etdiyi T-72 tanklarını və vaqon təmiri müəssisəsinin binalarında yerləşən digər zirehli texnikaları məhv etdiyini söyləyib.