Aktual mövzular: Dollar alış-satışı, Neftin qiyməti, COP29, Hava proqnozu

İşgəncə verdilər, sonra edam etdilər: Kiyevdə dinc əhalinin daha bir kütləvi məzarlığı tapıldı

İşgəncə verdilər, sonra edam etdilər: Kiyevdə dinc əhalinin daha bir kütləvi məzarlığı tapıldı

Tarix: 14 Iyun 2022 10:00

Buçanski rayonunda rusiyalı işğalçılar tərəfindən güllələnmiş dinc əhalinin daha bir kütləvi məzarlığı aşkar edilib.

Sonxeber.net oxu.az-a istinadən xəbər verir ki, bu barədə Kiyev vilayətinin polis idarəsinin rəisi Andrey Nebıtov "Facebook" sosial şəbəkəsində məlumat verib.

"Rusiyalılar 7 sadə vətəndaşa işgəncə veriblər, sonra isə onları başlarına güllə vuraraq vəhşicəsinə edam ediblər", - deyə Nebıtov bildirib və dinc əhalinin dəfn olunduğu yerdən foto paylaşıb.

Onun sözlərinə görə, Buçanski rayonunun Mirotskoye kəndi yaxınlığında Rusiya Federasiyası əsgərlərinin mövqelərində güllələnmiş dinc əhalinin kütləvi məzarlığı aşkar edilib.

"Qurbanların bir çoxunun əlləri bağlanıb və dizləri güllələnib. İndi biz ölülərin şəxsiyyətini müəyyənləşdirməyə çalışırıq. Bu, Rusiya ordusunun Kiyev vilayətində növbəti sadist cinayətidir", - deyə Nebytov vurğulayıb.

O əlavə edib ki, hər məhv edilmiş həyata, ukraynalıların ağrı və iztirablarına, şəhər və qəsəbələrin dağıdılmasına görə işğalçılar cavab verməlidir.


Etiketlər:  İşgəncə verdilər sonra edam etdilər Kiyevdə dinc əhalinin daha kütləvi məzarlığı tapıldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ