Aktual mövzular: Dollar alış-satışı, Məzənnə, Neftin qiyməti

Rusiya 49 britaniyalıya qarşı sanksiya tətbiq etdi

Tarix: 14 Iyun 2022 21:32

Rusiya Xarici İşlər Nazirliyi jurnalistlər də daxil olmaqla, 49 Britaniya vətəndaşına qarşı sanksiya tətbiq edib.

Milli.Az "qafqazinfo"-ya istinadən xəbər verir ki, sanksiya siyahısı Rusiya Nazirliyinin saytında dərc olunub.

Siyahıda yer alan Britaniya vətəndaşlarının Rusiyaya girişi qadağan edilib.

Siyahıda "The Guardian"ın müxbirləri, BBC-nin əməkdaşları, eləcə də, Böyük Britaniyanın "Daily Mail" və "İndependent" qəzetlərinin baş redaktorları, "Times" qəzetinin müharibə xəbərləri redaktoru da var.

Media nümayəndələri ilə yanaşı, sanksiya siyahısına Britaniya müdafiə kompleksi ilə əlaqəli şəxslər də daxildir.

Qeyd edək ki, bundan əvvəl Rusiya Xarici İşlər Nazirliyi Kanadanın 41 vətəndaşını "stop siyahısı"na daxil edib. Sanksiya siyahısında olan kanadalıların əksəriyyəti Kanada Ukrayna Konqresinə bağlıdır.

Milli.Az

Whatsapp ilə göndər