Aktual mövzular: Dollar alış-satışı, Neftin qiyməti, COP29, Hava proqnozu

Taxıl dəhlizində müsbət nəticə: Türkiyəyə məxsus gəmi Mariupolu tərk etdi

Taxıl dəhlizində müsbət nəticə: Türkiyəyə məxsus gəmi Mariupolu tərk etdi

Tarix: 22 Iyun 2022 23:32

Moskvada Qara dənizdə açılması planlaşdırılan taxıl dəhlizi ilə bağlı ilk görüş keçirilib. Müsbət ab-havada keçən danışıqlardan sonra Türkiyəyə məxsus "Azov Concord" gəmisi ilk xarici gəmi olaraq Mariupol limanından ayrılıb.

Sonxeber.net bildirir ki, bu barədə "Haber Global" məlumat verib.

Bildirilir ki, Moskvada Rusiya və Türkiyənin müdafiə nazirliklərinin nümayəndə heyətləri arasında danışıqlar aparılıb, Türkiyə ticarət gəmilərinin təhlükəsiz çıxışı və Ukrayna limanlarından taxıl ixracı məsələləri müzakirə edilib.

Rusiya nazirliyinin məlumatına görə, nümayəndə heyətləri ikitərəfli formatda qarşılıqlı fəaliyyətin vacibliyini vurğulayıblar. Türkiyə Milli Müdafiə Nazirliyi də öz növdəsində "taxıl məsələsi" üzrə dördtərəfli (Türkiyə, Rusiya, Ukrayna, BMT) danışıqların zəruriliyi ilə bağlı razılığın əldə edildiyini, növbəti görüşün yaxın həftələrdə Türkiyədə gözlənildiyini bildirib.

Qeyd edək ki, "Azov Concord" quru yük gəmisi Ukraynanın Mariupol limanını tərk edən ilk xarici gəmi olub.


Etiketlər:  Taxıl dəhlizində müsbət nəticə Türkiyəyə məxsus gəmi Mariupolu tərk etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ