Ünsiyyətdən imtina edən qəbilənin sonuncu nümayəndəsi öldü

Tarix: 29 Avqust 2022 21:18

Braziliyada Hinduların Milli Fondunun əməkdaşları fermerlər tərəfindən məhv edilən xalqın sonuncu nümayəndəsini ölü tapıblar.

Sonxeber.net bildirir ki, bu barədə CNN məlumat yayıb.

Həmin şəxs son 26 ildə ölkənin qərbində yerləşən Rondoniya ştatının meşələrində tək yaşayıb. O, ənənəvi həyat tərzi sürən və digər insanlarla ünsiyyətdən aqressiv şəkildə imtina edən təmassız qəbilələrdən birinə mənsub olub.

Yaşayış yerlərində ov və havadan sığınmaq üçün istifadə etdiyi çoxsaylı çuxurlar qazdığı üçün mərhuma "Çuxurdan gələn adam" ləqəbi verilib. Onun zorakı ölüm əlamətləri olmayan cəsədi avqustun 23-də Milli Hindular Fondu tərəfindən tapılıb. Mərhum daxmasında yataqda uzanıb.

Onun qəbiləsi 1970-1980-ci illərdə cəngəllikdə əraziləri zəbt edən odunçular və fermerlər tərəfindən məhv edilməyə başlanıb. 1995-ci ildə beş nəfərdən ibarət sonuncu qrup öldürülüb. "Heç kim bu adamın adını, onun adamları haqqında heç bir təfərrüatı bilmirdi. Bu ölümlə qəbilənin soyqırımı sona çatdı", - "Survival International"dan Fiona Uotson bildirib.

Milli Fondun əməkdaşları dəfələrlə mərhumla əlaqə yaratmağa cəhd etsələr də, buna nail ola bilməyiblər. Buna baxmayaraq, onlar kişini dəstəkləməyə çalışaraq onun ərazisində müxtəlif ləvazimatlar qoyublar. Müşahidələri zamanı elm adamları tapıblar ki, keşiş qarğıdalı və papaya yetişdirib, qamışdan və samandan daxmalar tikib. Onun meyiti ekspertizanın müayinəsi üçün həkimlərə təhvil veriləcək.

İrfan Vəliyev