Aktual mövzular: Dollar alış-satışı, Məzənnə, Neftin qiyməti

Bu tarixdə Şotlandiyada müstəqillik referendumu keçiriləcək

Tarix: 10 Oktyabr 2022 23:38

Şotlandiya Milli Partiyasının rəhbəri Nikola Sturgeon ölkədə müstəqillik referendumunun 2023-cü il oktyabrın 19-da keçiriləcəyini təsdiqləyib.

Milli.Az "qafqazinfo"ya istinadən xəbər verir ki, o, bu barədə partiyanın qurultayında bildirib.

"Əgər Ali Məhkəmə buna qərar verərsə və ümid edirik ki, belə olacaq, gələn il oktyabrın 19-da müstəqillik referendumu keçiriləcək", - Sturgeon bildirib.

Sturgeon hesab edir ki, Şotlandiyada əhalinin 50%-dən çoxu Böyük Britaniyadan müstəqilliyə tərəfdardır, gənclər arasında isə bu rəqəm daha da yüksəkdir.

Qeyd edək ki, Şotlandiyanın müstəqilliyi ilə bağlı ilk referendum 2014-cü ildə keçirilib. Daha sonra bölgədə yaşayan Britaniya və Avropa İttifaqı vətəndaşlarından "Ölkə müstəqil olmalıdırmı?" sualına cavab vermələri istənilib. Nəticədə rəyi soruşulanların 55,3%-i ayrılmanın əleyhinə, 44,7%-i isə müstəqilliyin lehinə səs verib.

Milli.Az

Whatsapp ilə göndər