Aktual mövzular: Dollar alış-satışı, Məzənnə, Neftin qiyməti

Qızını radiatora bağlayan ataya hökm oxundu

Qızını radiatora bağlayan ataya hökm oxundu

Tarix: 7 Noyabr 2022 18:14

Rusiyada, Amur vilayətində məhkəmə yetkinlik yaşına çatmayan qızını dörd ay radiatora zəncirləyən yerli sakini təqsirli bilib. Kişi əmin edib ki, bu yolla uşağın evdən qaçmasının qarşısını almaq istəyib.

Milli.Az bildirir ki, bu barədə vilayət prokurorluğunun mətbuat xidmətindən məlumat verilib.

Məhkəmə rusiyalını uşaq böyütmək vəzifələrini lazımınca yerinə yetirməməkdə təqsirli bilib. Mart ayından iyun ayına kimi kişi qızını evdən qaçmamaq üçün qızdırıcıya zəncirləyib. Məktəbli qız qurtula bilib və qonşusuna qaçıb, o isə polisə zəng edib.

Ata günahını etiraf edib. O, bir il müddətinə şərti cəzaya məhkum edilib - cəza onun həbsxanada qalmasına imkan verməyən xəstəlik səbəbindən dəyişdirilib. Ailə profilaktik qeydiyyata alınıb.

İrfan Vəliyev
Milli.Az


Etiketlər:  Qızını radiatora bağlayan ataya hökm oxundu


RƏYLƏR



Populyar Xəbərlər

XƏBƏR LENTİ