1-ci sinif şagirdi həkimlərin səhvi ucbatından komaya düşüb

Tarix: 12 Noyabr 2022 05:24

Rusiyada, Krasnoyarsk diyarının Kansk şəhərində yeddi yaşlı uşaq həkimlərin səhvi ucbatından komaya düşüb.

Sonxeber.net bildirir ki, bu barədə Ngs24.ru portalı məlumat yayıb.

Birinci sinif şagirdi bağırsaq infeksiyası şübhəsi ilə xəstəxanaya yerləşdirilib. Nənəsi izah edib ki, əvvəlcə oğlanın vəziyyəti stabilləşib. Lakin sonradan şiddətli baş ağrıları yaranıb.

"Uşağı soyuq dəsmal ilə xilas etdim. Nahardan sonra ertəsi gün uşaq komaya düşüb. Həkimlər uşağımı diri-diri basdırdılar", - qadın deyib.

Onun fikrincə, həkimlər uşağa səhv diaqnoz qoyublar. Müalicə zamanı da səhvlərə yol veriblər. Beyin ölümü elektroensefaloqramma ilə təsdiqlənib. Belə bir diaqnozla heç kim oğlanın sonrakı müalicəsini həyata keçirməyəcək, uşağın nənəsi qeyd edib.

Müstəntiqlər Rusiya Federasiyası Cinayət Məcəlləsinin 118-ci maddəsi ilə ("Səhlənkarlıqdan sağlamlığa ağır zərər vurma, şəxs tərəfindən öz peşə vəzifələrini lazımınca yerinə yetirməməsi nəticəsində törədildikdə") cinayət işi açıblar. Onlar uşağa düzgün müalicə olunub-olunmadığını öyrənməli olacaqlar.

İrfan Vəliyev