Aktual mövzular: Dollar alış-satışı, Neftin qiyməti, COP29, Hava proqnozu

Polşa Ukraynaya təxminən 2 milyard dollarlıq hərbi yardım edib

Polşa Ukraynaya təxminən 2 milyard dollarlıq hərbi yardım edib

Tarix: 13 Dekabr 2022 08:22

Polşanın Ukraynaya verdiyi hərbi dəstəyin ümumi məbləği təxminən 2 milyard ABŞ dollarıdır.

Milli.Az "Report"a istinadən bildirir ki, bu barədə Polşa Prezidenti Anjey Duda Almaniya Prezidenti Frank-Valter Ştaynmayerlə birgə mətbuat konfransında deyib.

Polşa liderinin sözlərinə görə, onlar Almaniya prezidenti ilə Ukraynanın var güc ilə dəstəklənməli olduğuna dair eyni fikri bölüşürlər.

"Ukraynanı hərbi mənada dəstəkləməliyik. Polşa hərbi dəstək üçün belə bir fürsət yaradır, o cümlədən bu dəstəyin həyata keçirilməsi üçün ərazisini təmin etməklə. Öz standartlarımıza görə Ukraynaya böyük dəstək göndərmişik. Biz bunu təxminən 2 milyard dollar dəyərində qiymətləndiririk. Bu, bizim üçün çox böyük məbləğdir", - A.Duda deyib.

"Daim Ukraynanı dəstəkləyirik. Polşada istehsal olunan silahların özünü doğrultduğunu və Ukrayna əsgərlərinə kömək etdiyini eşitməyə şadıq", - o əlavə edib.

Daha əvvəl Polşanın Ukraynaya tanklar, pilotsuz uçuş aparatları, digər hərbi texnika, döyüş sursatları, təyyarələr üçün ehtiyat hissələri verdiyi bildirilmişdi.

Milli.Az


Etiketlər:  Polşa Ukraynaya təxminən milyard dollarlıq hərbi yardım edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ