“Xislətlərini öz əməlləri ilə bir daha təsdiq etdilər” - VİDEO

Tarix: 11 Yanvar 2023 22:00

"Bu zamana kimi onları tanımamışdım. Xislətlərini öz əməlləri ilə bir daha təsdiq etdilər. Sosial şəbəkədə haqqımda xoşagəlməz şərhlər yazanlar da həmin insanlardı. Şərhləri kimlərinsə adından yazırlar. Bir adamın otuz saxta "Instagram" hesabı var. Açıb gizlincə, oradan-buradan insanları şantaj edib, pis sözlər yazır".

Sonxeber.net bizim.media-ya istinadən bildirir ki, bu sözləri Əməkdar artist Elza Seyidcahan "Şou xəbər" verilişinə müsahibəsində deyib.

Aylar əvvəl başına gələn xoşagəlməz hadisəyə görə efirlərə çıxıb xalqdan və həmkarlarından borc pul istəyən müğənni onun pis gününə sevinib, sosial şəbəkədə pis şərhlər yazanların bəzi sənət nümayəndələri olduğunu bildirib.

"Biz haqsızlığa görə efirə çıxmışdıq. Bir çox sənət dostlarım sağolsunlar yanımda oldular. Yanımda olmayanlar da onsuzda elə idilər. Şübhələnmişdim onlardan... Amma bu addımları ilə təsdiq etdilər öz xislətlərini. Bu zamana qədər bu insanları tanımamışdım", - deyə Elza vurğulayıb.