Aktual mövzular: Dollar alış-satışı, Neftin qiyməti, COP29, Hava proqnozu

İran rejimi bu şəxsləri cəzalandırmaqdan qorxur

Tarix: 16 Fevral 2023 08:08

İran ETTELAAT-ı həbs olunanların işinə "bu təqsirləndirilən şəxsin cəzalandırılmasına heç bir maneə yoxdur" cümləsini daxil edib. Bu isə onların edamına və məhkəmə orqanları tərəfindən cəzalandırılmasına yol açır.

Sonxeber.net axar.az-a istinadən bildirir ki, bu sözləri Şərqi Azərbaycan Vəkillər Kollegiyasının İnsan Haqları Komissiyasının sədri Sina Yusifi deyib.

"Hökumətin kimisə siyasi məsələyə görə həbs etməsi ona başucalığı gətirmir. Həbs olunan bu insanlar azadlıq və etiraz haqlarına görə tutulan siyasi məhbuslardır ki, onlar qanunla cəzalandırılmalı deyilllər. Amma kimin ki arxası yoxdur, tutulanda adları mediada işıqlandırılmayıb, həmin şəxsləri çoxdan bu şəkildə cəzalandırırlar. Tanınmış insanları cəzalandırmaqdan isə çəkinirlər. Məhkəmələrdə hələ də işi bağlanmamış qalan insanlar bu məlumatları mediada işıqlandırmaqdan qorxmasınlar", - o əlavə edib.

Whatsapp ilə göndər