Aktual mövzular: Dollar alış-satışı, Neftin qiyməti, COP29, Hava proqnozu

Əməkdar artist amerikalı cazmen haqda: “Deyirdi ki, mənə Naftalandan danış” - FOTO

Tarix: 18 Aprel 2023 20:40

Əməkdar artist Şahin Növrəsli ötən gün vəfat edən amerikalı cazmen və bəstəkar Əhməd Camalla bağlı diqqətçəkən paylaşım edib.

Sonxeber.net bizim.media-ya istinadən xəbər verir ki, sosial şəbəkə hesabında mərhum musiqiçi ilə birlikdə çəkilən fotolarını izləyiciləri ilə bölüşən sənətçi onun Azərbaycanla bağlı xatirlərini bölüşüb.

"Əhməd Camal mənə deyirdi ki, Şahin, niyə mənə Azərbaycanda Naftalandan danışmırsan, oranı ziyarət etmək istəyirəm. Birlikdə etdiyimiz dərin söhbətlər üçün darıxacağam... Sənin müdrikliyin üçün darıxacağam...

Tək mən yox, milyonlarla insan sənin üçün darıxacaq. Dostluğuna, rəhbərliyinə, mənə və bir çox musiqiçilərə verdiyin gözəl məsləhətlərə görə təşəkkür edirəm. Allah ailənizə səbr versin", - deyə Şahin vurğulayıb.

Qeyd edək ki, 92 yaşlı Əhməd Camal prostat vəzi xərçəngindən dünyasını dəyişib.