A vitamini çatışmazlığı bu xəstəliklərə səbəb olur

Tarix: 21 Aprel 2023 20:15

Vitamin çatışmazlığı bir çox xəstəliklərə səbəb olur. B12 çatışmazlığı anemiyaya səbəb olarkən, D vitamini çatışmazlığı yorğunluğa və daimi zəifliyə səbəb ola bilər. Fiziki və ruhi sağlamlığı qorumaq üçün vitaminləri düzgün və uyğun miqdarda qəbul etmək vacibdir. 

Milli.Az lent.az-a istinadən xəbər verir ki, bədənin bütün orqan və sistemlərinə təsir edən vitaminlərin qeyri-kafi qəbulu müxtəlif simptomlara səbəb olur. 

Əgər orqamizmdə A vitamini çatışmazlığı varsa, bu zaman görmə pozğunluqları, quru dəri, saç və dırnaqların qırılması baş verir. İnfeksiyalara qarşı müqavimət azalır və yorğunluq yaranır. Dodaqlarda yaralar və dilin qızartıları var.

A vitamini qaraciyərdə saxlandığı üçün qeyri-kafi qəbul olunduqda əvvəlcə qaraciyərdə ehtiyatlar azalır, sonra isə qanda miqdarı azalır.

A vitamini çatışmazlığında görmə problemləri tez-tez baş verir. Gecə korluğu, gözün parlaqlığını itirərək həddindən artıq quruması, göz yaşının kifayət qədər ifraz olunmaması bu problemlərdəndir.

Bundan əlavə, A vitamini də immunitet sistemində rol oynadığından, onun çatışmazlığı halsızlığa səbəb ola bilər və infeksiya riskini artıra bilər. Uzun müddət A vitamini çatışmazlığı bədəndə geri dönməz sağlamlıq problemlərinə səbəb ola bilər.

Milli.Az