Aktual mövzular: Dollar alış-satışı, Məzənnə, Neftin qiyməti

Yəmənə raket hücumu - biri uşaq olmaqla 3 dinc sakin həlak olub

Yəmənə raket hücumu - biri uşaq olmaqla 3 dinc sakin həlak olub

Tarix: 23 Aprel 2023 18:00

İranın dəstəklədiyi husilərin Yəməndə həyata keçirdiyi raket hücumunda biri uşaq olmaqla 3 mülki şəxs həlak olub, 9 mülki şəxs isə yaralanıb.

Milli.Az APA-ya istinadən bildirir ki, Yəmənin rəsmi xəbər agentliyi SABA-nın məlumatına görə, husilər Taiz əyalətinin Mavza rayonunun Qəzlə əl-Avaşikə bölgəsindəki mülki yaşayış məntəqəsinə raket zərbəsi endirib.

Hücumda 12 yaşlı Nejva Həsən Becas və Məhəmməd əl-Hubeyşi və qardaşı Meryem əl-Hubeyşi həyatını itirib, 9 mülki şəxs yaralanıb.

Xəbərdə yaralılardan bəzilərinin vəziyyətinin ağır olduğu və reanimasiya şöbələrində müalicə olunduğu bildirilib.

Husilərdən insidentlə bağlı heç bir açıqlama verilməyib.

Qeyd edək ki, Yəməndə İranın dəstəklədiyi husilər 2014-cü ilin sentyabrından paytaxt Səna və bəzi bölgələrə nəzarət edir.

Milli.Az


Etiketlər:  Yəmənə raket hücumu biri uşaq olmaqla 3 dinc sakin həlak olub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ