Aktual mövzular: Dollar alış-satışı, Neftin qiyməti, COP29, Hava proqnozu

Bu mətbəx vasitəsi sağlamlıq üçün təhlükəlidir

Tarix: 22 Iyun 2023 04:06

Mütəxəssislər sağlamlıq üçün ciddi təhlükə yaradan mətbəx vasitəsini açıqlayıblar.

Milli.Az lent.az-a istinadən bildirir ki, əksər evdar qadınlar ət, balıq və ya tərəvəz yeməkləri hazırlamaq üçün alüminium folqadan istifadə edirlər. Lakin mütəxəssislər bu cür yeməyin təhlükəli hesab edirlər.

Alüminium folqa bir çox yeməklərin hazırlanmasını çox asanlaşdırır, onların yanmasının qarşısını alır və düzgün qızartmağa kömək edir. Bununla belə, mütəxəssislərin fikrincə, alüminiumun bir hissəsi məhsullara daxil olur və bu, insan sağlamlığı üçün təhlükəli ola bilər.

Alimlərin fikrincə, alüminium təkcə folqa içərisində deyil, həm də qida qablaşdırmasında, kosmetikada, torpaqda, suda və müxtəlif məhsullarda, o cümlədən meyvə, tərəvəz, ət, balıq, taxıl və süd məhsullarında tapılır.

Araşdırmalar göstərir ki, qırmızı ətin folqa içində qızardılması qidalardakı alüminium miqdarını 378 faiz artıra bilər.

Həkimlər yüksək alüminium səviyyəsini Alzheimer xəstəliyi və ya xərçənglə əlaqələndirirlər. Bunu nəzərə alaraq, alüminiumun istifadəsini minimuma endirmək daha yaxşıdır.

Milli.Az

Whatsapp ilə göndər