Aktual mövzular: Dollar alış-satışı, Məzənnə, Neftin qiyməti

THY "Ən dayanıqlı bayraq daşıyıcısı" mükafatına layiq görülüb

THY

Tarix: 4 Iyul 2023 12:44

Türk Hava Yolları "Ən dayanıqlı bayraq daşıyıcısı" mükafatına layiq görülüb.

Milli.Az TurkicWorld-a istinadla xəbər verir ki, Türk Hava Yolları, beynəlxalq maliyyə təşkilatı World Finance tərəfindən "Ən dayanıqlı bayraq daşıyıcısı" mükafatına layiq görülüb.

Mükafatla bağlı məlumat verən, Türk Hava Yolları idarə heyətinin və icraiyyə komitəsinin sədri Prof. Dr. Ahmet Bolat, bildirib ki, şirkət 2008-ci ildən bəri karbon izlərini azaltmaq üçün 100-dən çox əməliyyat optimallaşdırma layihəsi həyata keçirib. 2022-ci ildə 57 min 581 ton yanacağa qənaət edərək 181 min 379 ton istixana qazı emissiyasının qarşısını alıb.

"THY üç il ərzində rəqəmsallaşma baxımından dünyanın ilk üç hava yolu şirkətindən biri olmağı qarşısına strateji məqsəd qoyub. Şirkətimiz "2050-ci ildə Karbon Neytral Aviaşirkət" olmaq öhdəliyinə uyğun olaraq, 2022-ci ildən etibarən başladığı və iqlim dəyişikliyi ilə mübarizə planlarına daxil etdiyi dayanıqlı aviasiya yanacağından (SAF-Sustainable Aviation Fuel) istifadəsini genişləndirib", - deyə Ahmet Bolat qeyd edib.

Milli.Az


Etiketlər:  THY Ən dayanıqlı bayraq daşıyıcısı mükafatına layiq görülüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ