''Hesab.az''dan pulsuz kartlar əldə etmək imkanı

Tarix: 31 Oktyabr 2019 18:45

Bakı. Trend:

Onlayn ödəmənin gündən günə sürətlə artdığı zamanda Hesab.az onlayn ödəmə portalı olaraq daim maarifləndirici təlimlər ilə insanları onlayn ödəmənin önəmini izah etməyə,stimullaşdırıcı kampaniyalarla və bu mövzuda keçirilən tədbirlərə qatılmaqla nağdsız ödəmələrə marağı artırmağa, dəstək olmağa çalışır.

Şirkətdən Trend-ə verilən məlumata görə, Azərbaycan Banklar Assosiasiyası təşkilatçılığı və Azərbaycan Respublikasının Maliyyə Bazarlarına Nəzarət Palatası, Azərbaycan Respublikasının Mərkəzi Bankının dəstəyi ilə “Nağdsız Cəmiyyət Günləri” başlayıb. Günlər çərçivəsində 31 oktyabr – 7 noyabr tarixlərində “Nağdsız ödəyən qazanır!” stimullaşdırıcı kampaniyası da həyata keçirilir. Hesab.az öz sosial media və reklam kanalları üzərindən lahiyəyə dəstək olduğunu bildirib.

Lahiyə çərçivəsində Hesab.az ödəniş portalı üzərindən nağdsız ödənişlər edən müştərilərə “Dərhal dəyiş” bölməsində bankların müxtəlif prestij səviyyəsində olan kartlar əlavə ödəniş olmadan müəyyən bonus qarşılığında təqdim edilir.

Kampaniyadan yararlanmaq istəyən istifadəçilər əgər hesab.az istifadəçisi deyilsə, hesab.az saytında qeydiyyatdan keçərək və ya hesab.az mobil tətbiqini yükləyərək kommunal, mobil və stasionar rabitə, kabel televiziyası, internet provayderlərin və s. ödənişləri bu səhifə vasitəsilə həyata keçirməklə bonuslar toplamalıdırlar. Daha sonra öz hesablarındakı bonusları “Dərhal dəyiş” bölməsində 10000-30000 bonus dəyərində olan plastik karta dəyişə bilirlər. Qeyd edək kİ, kampaniya noyabr ayının 7-nə qədər keçərlidir.

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.

Trend-in ən mühüm və maraqlı xəbərlərini "Telegram"da izləyin