Tel-Əviv və Qüdsdə həyəcan təbili çalındı

Tarix: 16 Oktyabr 2023 19:36

Tel-Əviv və Qüdsdə həyəcan təbili səsləri eşidilib.

Sonxeber.net qafqazinfo-ya istinadən xəbər verir ki, həyəcan təbilindən sonra İsrailin "Dəmir günbəz" hava hücumundan müdafiə sistemi işə salınıb.

İsrail mediası Parlamentin Baş Assambleyasının boşaldıldığını və insanların sığınacaqlara getdiyini bildirib.

Xatırladaq ki, oktyabrın 7-si İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında "Dəmir qılınclar" adını verdiyi hərbi əməliyyata başlayıb.