Doğuşdan sonra intim əlaqə niyə bitir?

Tarix: 9 Dekabr 2023 06:06

Qadınların əksəriyyəti doğuşdan sonra cinsi istəksizlik və disfunksiya ilə üzləşirlər.

Milli.Az "Medicina"a istinadən xəbər verir ki, alimlərin fikrincə, 70% qadın uşaq dünyaya gətirdikdən sonra cinsi sağlamlıqlarının dəyişdiyini görür.

Tədqiqatın müəllifləri çanaq ağrılarının bu dəyişikliklərə necə təsir etdiyini müəyyən etməyə çalışıblar.

Mütəxəssis Sandi Tenfeldin sözlərinə görə, bir çox qadın doğuşdan sonra fiziki dəyişikliklər yaşayır. Bu, əhəmiyyətli əlilliyə və cinsi funksiyanın pozulmasına səbəb ola bilər.

Hamiləlik zamanı və doğuşdan sonra qadının orqanizmi dəyişdiyi kimi, cinsi funksiyası da dəyişə bilər. Uşaq doğulduqdan sonra cinsi sağlamlığın hamiləlikdən əvvəl olduğu səviyyəyə bərpası tədricən davam edir.

Doğuşdan sonrakı cinsi sağlamlığa təsir edə biləcək amillərə ümumi bədən sağlamlığı və doğuş zamanı zədədən sonra yaranan ağrı daxildir. Doğuşdan sonrakı çanaq ağrısı ilə cinsi funksiya arasında əlaqə var.

Doğuşdan sonra hormonla+rda yaşanan dalğalanmalar, ana olmağın verdiyi məsuliyyət və narahatlıqdan qaynaqlanan depressiya xroniki yorğunluğa səbəb olur. Cinsəllik ikinci plana keçir. Bunlar müalicəsi mümkün olan psixoloji narahatlıqdır.

Cinsi istəksizliyə səbəb olan digər hal da cinsi yaxınlıq zamanı ağrıya səbəb olan vaginal quruluqdur. Əmizdirmə zamanı prolaktin hormonun artması, esterogenin azalması vaginal quruluğu artırır.

Doğuşdan sonrakı dövr qadının daha çox sevgi və diqqətə ehtiyac duyduğu müddətdir. Bu dövrdə kişilərin xanımlarına qarşı daha anlayışlı, diqqətli olması, şəfqətli davranması, sevgilərini göstərməsi mənfi halları tez aradan qaldıra bilər.

Milli.Az