Aktual mövzular: Dollar alış-satışı, Məzənnə, Neftin qiyməti

Bu ölkədə prezident seçkiləri keçirilir

Bu ölkədə prezident seçkiləri keçirilir

Tarix: 10 Dekabr 2023 12:36

Misirdə prezident seçkiləri başlayıb.

Milli.Az report-a istinadən xəbər verir ki, ölkənin bütün əyalətlərində seçki məntəqələri açılıb və üç gün - dekabrın 12-dək fəaliyyət göstərəcək.

Milli Seçki Komissiyasının verilənlərinə görə, Misirdə səsvermə üçün 10 085 seçki məntəqəsi təşkil olunub. Seçkilərdə səsvermə hüququ olan 67 milyona yaxın vətəndaş iştirak edə biləcək. Səsvermə prosesinə bütün səviyyələrdə 15 min hakim nəzarət edir. Onların əsas vəzifəsi ümumi səsvermənin üçüncü gününün sonunda, yəni dekabrın 12-də axşam başlayacaq səslərin hesablanmasına nəzarət etməkdir.

Misirin hazırkı dövlət başçısı Əbdülfəttah əl-Sisidən başqa, üç siyasətçi prezidentliyə namizəddir. Onların heç biri nə gənclər, nə də əhalinin digər təbəqələri arasında real dəstək görmür. Bunlar sol müxalifətçi Fərid Zəhran, vəkil Abdel Sənad Yamama və Cümhuriyyət Xalq Partiyasının rəhbəri Hazem Ömərdir.

Milli.Az


Etiketlər:  Bu ölkədə prezident seçkiləri keçirilir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ