Türkiyədə yaşayan Azərbaycan vətəndaşlarının diqqətinə!

Tarix: 22 Dekabr 2023 22:06

Ölkəmizin İstanbuldakı Baş Konsulluğu Türkiyədə yaşayan Azərbaycan vətəndaşlarının qarşıdan gələn növbədənkənar Prezident seçkilərində iştirakı ilə bağlı məlumat yayıb.

Sonxeber.net axar.az-a istinadla xəbər verir ki, Baş Konsulluğun rəsmi internet səhifəsində yerləşdirilən məlumatda bildirilir:

"2024-cü il fevralın 7-nə təyin olunmuş növbədənkənar Azərbaycan Respublikası Prezidenti seçkilərində iştirak etmək istəyən, Azərbaycan Respublikasının İstanbul şəhərindəki baş konsulluğunun əhatə dairəsində daimi yaşayan, müvəqqəti olan və ya uzunmüddətli ezamiyyətdə olan 18 yaşına çatmış, fəal seçici hüququna malik Azərbaycan Respublikası vətəndaşlarının seçici siyahısına əlavə olunması məqsədilə 2023-cü il dekabrın 29-dək aşağıda qeyd olunmuş məlumatları [email protected] elektron poçt ünvanına göndərmələri xahiş olunur:

1. Soyad, ad, ata adı;

2. Doğum tarixi (gün, ay, il);

3. Türkiyə Respublikasında daimi və ya müvəqqəti yaşadığı ünvan".

Qeyd edək ki, dekabrın 7-də Prezident İlham Əliyev Azərbaycanda növbədənkənar prezident seçkilərinin elan edilməsi barədə sərəncam imzalayıb. Sərəncama əsasən, fevralın 7-də növbədənkənar prezident seçkiləri keçiriləcək.