PSJ futbolçusunu “Beşiktaş”a göndərir?

Tarix: 9 Yanvar 2024 08:08

"Roma"da bir illik icarə əsasında çıxış edən PSJ-nin yarımmüdafiəçisi Renato Sançes "Beşiktaş"da çıxış edə bilər.

Sonxeber.net publika.az-a istinadən xəbər verir ki, bu barədə jurnalist Adrien Grenier X sosial şəbəkəsində (keçmiş Twitter) məlumat verib.

Mənbənin məlumatına görə, PSJ rəhbərliyi portuqaliyalını az oyun keçirdiyi İtaliya klubundan icarədən geri çağırıb, yeni komandaya göndərmək niyyətindədir. 26 yaşlı yarımmüdafiəçi ilə "Beşiktaş" maraqlanır.

Bu mövsüm Sançes "Roma"nın heyətində bütün yarışlarda 9 oyun keçirib və bir qol vurub. Futbolçunun Fransa klubu ilə müqaviləsi 2027-ci ilin iyunun sonuna kimi qüvvədədir.