Uzunömürlülük və doğum ayı arasında əlaqə varmı? - GÖZLƏNİLMƏZ CAVAB

Tarix: 1 Fevral 2024 21:57

ABŞ alimləri uzunömürlülük və insanın anadan olduğu ay arasında əlaqə tapıblar.

Milli.Az lent.az-a istinadən xəbər verir ki, Çikaqo Universitetinin (ABŞ) qocalma, ölüm və uzunömürlülük üzrə mütəxəssisləri doğum ayı ilə insanın gözlənilən ömür uzunluğu arasında əlaqə yaratmaq üçün araşdırma aparıblar.

Alimlərin fikrincə, 100 yaşına qədər yaşayan insanların çoxu sentyabr-noyabr aylarında doğulublar. Eyni zamanda, mart, may və iyul aylarında doğulanlar arasında yüz yaşı olanların sayı 40 faiz az olub.

Bu məlumatlar təsdiqləyir ki, prenatal amillər və insanın uşaqlıqdakı həyat şəraiti təkcə onun sağlamlığına deyil, həm də ömrünə təsir edə bilər.

Beləliklə, həm erkən uşaqlıqda, həm də dölün inkişafı zamanı mühüm amil ananın və uşağın qidalanmasıdır. Xüsusilə vitamin və mikroelementlərin çatışmazlığı gələcəkdə DNT təmir mexanizmlərinə, hüceyrə membranlarının sabitliyinə və qocalma proseslərinə mənfi təsir göstərə bilər.

Mütəxəssislərin fikrincə, noyabrda doğulan insanlar üçün aktiv beyin formalaşması dövrü yayda baş verir. Təzə tərəvəz və meyvələrin istehlakının pik həddə çatdığını nəzərə alsaq, bu mühüm dövrdə böyüyən orqanizmin nə qədər vitamin və mikroelementlər qəbul etdiyini təsəvvür etmək olar.

Milli.Az