Aktual mövzular: Dollar alış-satışı, Neftin qiyməti, COP29, Hava proqnozu

Xaçmazda DƏHŞƏT - Dəmir yolunda 20 yaşlı gəncin hissələrə bölünmüş meyiti aşkarlandı

Tarix: 14 Noyabr 2019 10:00

Bakı. Samir Əli - Trend:

Xaçmazda gənc oğlanın parçalanmış meyiti tapılıb.

Trend-in məlumatına görə, Xaçmaz rayon Çarxı kəndi ərazisindəki dəmir yolu xəttində kənd sakini, 1999-cu il təvəllüdlü Mehtiyev Ağacan Maqsud oğlunun çılpaq vəziyyətdə hissələrə bölünmüş meyiti dəmir yolu xəttinin arasında aşkar edilib.

Meyitə baxış keçirilərkən məlum olub ki, A.Mehtiyevin ayaqları bədənindən ayrılıb, sağ ayaq meyitin yanında, sol ayağı isə meyitdən 32 metr kənarda aşkar edilib.

Araşdırmalar zamanı məlum olub ki, A.Mehtiyev yük qatarı ilə vurulub.

Faktla bağlı Xaçmaz rayon prokurorluğunda Cinayət Məcəlləsinin 262.2-ci (dəmir yolu, su və ya hava nəqliyyatının hərəkət təhlükəsizliyini pozma, ehtiyatsızlıqdan zərərçəkmişin ölümünə səbəb olma) maddəsilə cinayət işi başlanıb.

İstintaqla A.Mehtiyevi vuran yük qatarı müəyyən edilib.

Trend-in ən mühüm və maraqlı xəbərlərini "Telegram"da izləyin

Whatsapp ilə göndər