Aktual mövzular: Dollar alış-satışı, Neftin qiyməti, COP29, Hava proqnozu

3 gün 3 gecə toy etdilər - FOTO

Tarix: 26 Iyun 2024 14:14

Türkiyədə 3 günlük toyla evlənən cütlüyün toyuna dünyanın hər yerindən qonaqlar qatılıb.

Milli.Az news24.az-a istinadən xəbər verir ki, Bolqarıstan, Rusiya, İtaliya, Hollandiya, Belçika, İspaniya, ABŞ, Misir və Kubadan gələn qonaqlar türk adət və ənənələri ilə türk toyuna şahidlik ediblər.

Xaricdən gələn qonaqlar Trakya bölgəsinin yeməklərini, şirniyyatlarını, rəqslərini və bir çox adət-ənənələrini maraqla izləyərkən, nikah mərasimi, xına gecəsi kimi türk toylarına xas mərasimləri də görmək imkanı qazanıblar.

Uzunköprüdəki toya qatılmaq üçün 9 fərqli ölkədən gələn qonaqlar cütlüklərə xoşbəxtlik diləyərkən, Gülşah və Danielin beynəlxalq bir şirkətdə çalışdıqları və beləcə tanış olduqları öyrənilib.

Cütlüyün toyuna xaricdən gələn qonaqlarla yanaşı, ailə böyükləri və Uzunköprü Bələdiyyə Başçısı Ediz Martin də qatılıb.

Milli.Az