Aktual mövzular: Dollar alış-satışı, Neftin qiyməti, COP29, Hava proqnozu

Polşada daşqınlar: Bənd uçdu, evlər su altında qaldı

Polşada daşqınlar: Bənd uçdu, evlər su altında qaldı

Tarix: 15 Sentyabr 2024 20:30

Mərkəzi Avropa ölkələrində bir neçə gündən bəri davam edən aramsız yağışlar çaylar və su hövzələrində suyun səviyyəsinin artmasına, daşqınların baş verməsinə səbəb olub.

Sonxeber.net AZƏRTAC-a istinadən xəbər verir ki, Polşanın cənub-qərbində Stronie Slaskie ərazisində su bəndi artan təzyiqə davam gətirməyərək uçub. Bu isə Biala Ladeçka çayında suyun artmasına və onun töküldüyü Nısa-Klodzka çayı boyunca yerləşən yaşayış məntəqələri üçün təhlükəli vəziyyətə səbəb olub.

Təbii fəlakətlə əlaqədar polis və ordu birləşmələri də əraziyə cəlb edilib. Polşanın Klodzko regionunda 1600 nəfər təxliyə edilərək təhlükəsiz əraziyə yerləşdirilib.

Hazırda Polşa ilə yanaşı, Çexiya və Rumıniyada da minlərlə insan daşqınlara görə təxliyə olunub, minlərlə evin elektrik enerjisi kəsilib.

Polşa hökuməti daşqın və kəskin hava şəraiti ilə əlaqədar bir nəfərin həlak olduğunu təsdiqləyib.


Etiketlər:  Polşada daşqınlar Bənd uçdu evlər altında qaldı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ