Aktual mövzular: Dollar alış-satışı, Neftin qiyməti, COP29, Hava proqnozu

Bakıda külək 8 ağacı aşırdı - İki avtomobilə ziyan dəydi

Tarix: 3 Dekabr 2019 12:26

Bakı. Ceyhun Ələkbərov -Trend:

Bakıda gecə saatlarında əsən güclü külək bir sıra fəsadlar törədib.

Bu barədə Trend-ə Bakı Şəhər İcra Hakimiyyəti Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov bildirib. Onun sözlərinə görə, güclü külək əsasən Yasamal və Səbail rayonlarında müşahidə olunub:

"Ötən gün axşam saatlarından başlayan külək şəhərin bəzi yerlərində fəsadlar törədib. Güclü külək Yasamal və Səbaildə təsirsiz ötüşməyib. Nəticədə 8 ağac aşıb, bir çoxunun budaqları qırılıb və 2 avtomobilə ziyan dəyib".

O.Məmmədov bildirib ki, qurum gücləndirilmiş iş rejimində fəaliyyət göstərir: "Hazırda da işçilər tərəfindən şəhərin bir çox yerlərində aqrotexniki işlər aparılır".

Trend-in ən mühüm və maraqlı xəbərlərini "Telegram"da izləyin

Whatsapp ilə göndər