Şahlar Quliyev dəfn olundu - YENİLƏNİB - FOTO

Tarix: 26 Oktyabr 2024 15:54

Bu gün səhər saatlarında vəfat edən Xalq artisti Şahlar Quliyev dəfn olunub.

Sonxeber.net APA-ya istinadən bildirir ki, Təzə Pir məscidində keçirilən vida mərasimindən sonra mərhumun nəşi "Qurd qapısı" qəbiristanlığında torpağa tapşırılıb. Mərhumla vida mərasimində yaxınları, sənət yoldaşları, mədəniyyət nümayəndələri iştirak ediblər.

Xatırladaq ki, Qeyd edək ki, Şahlar Quliyev 1946-cı ildə anadan olub. Azərbaycan Dövlət Konservatoriyasında təhsil alıb. 1975-ci ildən Azərbaycan Dövlət Akademik Opera və Balet teatrının solisti olub. "Leyli və Məcnun"da Nofəl, "Şah İsmayıl"da Aslan şah, "Aşıq Qərib"də Şahvələd, "Sevil"də Atakişi, "Arşin mal alan"da Süleyman, "Gəlin qayası"nda Xan, "Koroğlu"da Həsən xan, "Aida"da Amonasro, "Riqoletto"da Monterone, "Toska"da Skarpia, "Karmen"də Eskamilio, "Payatsı"da Tonio, "Bohema"da Şonar, "Natəvan"da Qasım bəy Zakir kimi rolları ifa edib. 2005-ci ildə Xalq artisti fəxri adına, sonralar isə Prezident təqaüdünə layiq görülüb.

--------

14:29

Bu gün vəfat edən Xalq artisti Şahlar Quliyevlə Təzəpir məscidində vida mərasimi keçirilir.

Sonxeber.net xəbər verir ki, mərasimdə mərhumun ailə üzvləri, sənət dostları və incəsənət xadimləri iştirak edirlər.

-------

12:38

Bu gün səhər saatlarında dünyasını dəyişən Xalq artisti Şahlar Quliyev "Qurd qapısı" qəbiristanlığında dəfn olunacaq.

Sonxeber.net bildirir ki, bu barədə mərhumun ailə üzvləri məlumat verib.

Qeyd olunub ki, Şahlar Quliyevlə vida mərasimi saat 14.00-da Təzə Pir məscidində keçiriləcək. Vida mərasimindən sonra cənazə dəfn olunması üçün "Qurd qapısı" qəbiristanlığına aparılacaq.

------

09:54

Azərbaycanın Xalq artisti, opera müğənnisi Şahlar Quliyev vəfat edib.

Sonxeber.net xəbər verir ki, bu barədə sənətçinin oğlu, tanınmış aktyor Nofəl Şahlaroğlu məlumat verib.

Qeyd edək ki, 78 yaşlı Şahlar Quliyev uzun illər Azərbaycan Dövlət Akademik Opera və Balet Teatrının solisti olub. O, 2005-ci ildə Xalq artisti fəxri adına layiq görülüb, Prezident təqaüdçüsü idi.