Aktual mövzular: Dollar alış-satışı, Neftin qiyməti, COP29, Hava proqnozu

Polis rəisinin evində milyonlarla avro narkotik pulları tapıldı - İspaniyada qalmaqal

Polis rəisinin evində milyonlarla avro narkotik pulları tapıldı - İspaniyada qalmaqal

Tarix: 9 Noyabr 2024 15:22

Madriddə Milli Polis Baş İdarəsinin İqtisadi Cinayətlərlə Mübarizə Şöbəsinin rəisi həbs edilib. O, əməliyyatlar zamanı müsadirə edilmiş narkotik vasitələrin və taksi sürücüləri üçün lisenziyaların satışında şübhəli bilinir. Rəisin evinin divarlarında 20 milyon avrodan çox pul aşkarlanıb.

Sonxeber.net oxu.az-a istinadən xəbər verir ki, bu barədə "Vozpopuli" məlumat yayıb.

Nəşrin yazdığına görə, bundan başqa, rəisin ofisində daha bir milyon avro və taksi sürücüləri üçün onlarla VTC lisenziyası aşkar edilib. Hazırda onun bu lisenziyaları "qara bazar"da satdığı, yoxsa bu lisenziyaların onun başqa biznesi üçün alət olduğu araşdırılır.

Məlumata görə, korrupsiya ilə mübarizə şöbəsinin rəisi bir neçə həftə ərzində izlənilib. Onun biznes fəaliyyətini "Real Madrid" və "Atletiko" (Madrid) futbol klublarının stadionlarındakı VIP lojalarda həyata keçirdiyi güman edilir.

Qeyd olunur ki, onun həbsi hüquq-mühafizə orqanları əməkdaşları arasında böyük təəccüblə qarşılanıb.

O da vurğulanır ki, məhkəmə prosesi məxfi elan edilib, əməliyyat davam edir və yeni həbslər istisna deyil.


Etiketlər:  Polis rəisinin evində milyonlarla avro narkotik pulları tapıldı İspaniyada qalmaqal


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ