“Bunu edəndən sonra şou-biznes şoka düşəcək!”

Tarix: 6 Aprel 2025 00:55

"2015-ci ildən 2017-ci ilə kimi mətbuat məni çox incidib. Bilmirəm onlar niyə belə etdilər".

Sonxeber.net bildirir ki, bu sözləri müğənni Şəbnəm Tovuzlu qonaq olduğu "Özəl" verilişində deyib.

Sənətçi bildirib ki, tezliklə şou-biznesi şoka salacaq layihə təqdim edəcək:

"15 ildir ki, səhnədəyəm. Mənim repertuarımda Xalq artisti Faiq Sücəddinovun bəstələdiyi, şair Baba Vəziroğlunun şeirinə yazılan mahnım var. Hazırda Baba müəllimlə bir layihə üzərində çalışıram. Bu layihə şou-biznesi şoka salacaq. Baba müəllim hər kəsə əl uzatmaz. Onun şeirinə Kamal müəllim bir mahnı bəstələyib. Həmin mahnını mən yaxın zamanda tamaşaçılara təqdim edəcəyəm. Baba müəllim mənə deyir ki, qazancın üçün çalış, bu vacibdir. Sən bu gün qazanırsan, sən Şəbnəmsən. Bu həyat budur. Bunlar yoxdursa sənə kəm baxa bilərlər. Düz yoldasan, amma bunları da edəcəksən. Kamal müəllim o qədər gözəl musiqi yazıb. Bama müəllim isə o mahnıya o qədər gözəl sözlər yazıb. Bu layihənin içində çox dəyərli bir sənətkar var. O ən pik sənətkardır. Ondan hazırda dərs alıram. Beş dərsimiz keçib. Bu layihəmizdə onun da nəfəsi olacaq və çəkiləcək klipdə o, da olacaq. Bu layihə ilə bağlı çox həyacanlıyam. Bu layihə ilə özümü bir daha təsdiqləyəcəyəm ki, mən Şəbnəməm və illərimi hədər vermədim". (olay)