Aktual mövzular: Dollar alış-satışı, Neftin qiyməti, COP29, Hava proqnozu

''Komandadakı futbolçuların 95 faizi göndəriləcək'' - Tərlan Əhmədov

Tarix: 11 May 2019 18:32

Azərbaycan Premyer Liqasının 28-ci turunda səfərdə “Səbail”i 4:1 hesabı ilə məğlub edən “Keşlə”nin baş məşqçisi Tərlan Əhmədov mətbuat konfransı keçirib. Təcrübəli mütəxəssis əvvəlcə oyun haqda fikirlərini bölüşüb.

- Motivasiyasız, emosiyasız oyun idi. Bəlkə də futbolçularımız təzyiq altında olmadığı üçün belə oynadı. Məncə, bu cür oyunlarımız çox oldu. Sadəcə, futbolçularda özünəinam yox idi. Bəlkə də “Səbail” 3-cü pilləni təmin etdiyindən bir qədər rahat idi.

- Bu gün Lisenziyalaşdırma Komitəsinin qərarı verilib və birinci diviziondan heç bir klub lisenziya almayıb…

- Bu xəbəri sizdən eşidirəm. Hər halda, qərar qərardır. Oyun isə emosiyasız keçdi. Qərarı AFFA verib və buna hörmətlə yanaşırıq.

- Komandada qalacaqsınız?

- Bazar ertəsi klub prezidenti ilə görüşümüz olacaq. Hər şey Zaur Axundovun qərarından asılıdır.

- Komandada qalacağınız təqdirdə, futbolçuların neçə faizi “Keşlə”də qalacaq?

- Qalacaq? Gəlin, gedənlərin faizini deyim. Komandamızda olan futbolçuların 95 faizi yola salınacaq. (sport24.az)

Whatsapp ilə göndər