Aktual mövzular: Dollar alış-satışı, Neftin qiyməti, COP29, Hava proqnozu

Bəhlulmu, Sissakomu... - “Seltik” qışda kimi alacaq?

Tarix: 2 Yanvar 2020 22:08

“Seltik” qış transfer pəncərəsi zamanı heyətinə 4 yeni oyunçu cəlb etmək niyyətindədir.

Qol.az xəbər verir ki, Şotlandiyanın “The Scotsman” nəşri yazıb ki, klubun bu futbolçular sırasında əsas hədəfi mərkəz müdafiəçisi almaqdır. Bildirilir ki, bu mövqeyə əsas namizəd Malinin gənclərdən ibarət millisinin və PSJ-nin 19 yaşlı futbolçusu Mussa Sissakodur. Bundan başqa, Şotlandiya mətbuatı növbəti dəfə namizədlər sırasında Azərbaycan millisinin və “Sabah”ın müdafiəçisi Bəhlul Mustafazadənin adını qeyd edib. Eləcə də Carrad Brantueyt (“Karlayl Yunayted”), Edson Alvares (“Klub Amerika”) və Fabritsio Brunonun (“Kruzeyro) adları namizədlər sırasında yer alıb.

Mussa Sissakonun PSJ ilə 2021-ci ilin yayına qədər müqaviləsi olsa da, o, baş məşqçi Tomas Tuhellin planlarına daxil deyil. Buna görə də Şotlandiyada güman edirlər ki, “Seltik” artıq bu qış fasiləsi zamanı Mussanı ya birdəfəlik, ya da icarə qaydasında transfer edə bilər.

Mussa Sissako