30 yaşlı idmançıdan 16 yaşlı qıza əxlaqsız təklif - FOTO

Tarix: 7 Yanvar 2020 10:24

Amerikada son dövrlərin ən məşhur simalarından olan reper Bad Babie (əsl adı Danielle Bregoli) məşhur boksçu Adrien Bronerdən aldığı mesajları yayımlayıb.

Sonxeber.net fanat.az-a istinadən xəbər verir ki, 30 yaşlı keçmiş dünya çempionu 16 yaşlı qıza qeyri-etik mesajlar yazıb. Gənc reperin mesajları yayımlamasından sonra sabiq dünya çempionu sosial media istifadəçilərinin hədəfinə çevirilib. Əksəriyyət Bronerin yetkinlik yaşına çatmayan qıza qeyri-etik mesajlar yazdığı üçün həbs edilməsini tələb edib.

Olaydan sonra açıqlama verən Broner səhfini etiraf edib: "Səhv etdiyimi qəbul edirəm. Kimsə bir uşaqla birlikdə olmaq istəməz. Amma insanların profilində yaşları görünmədiyi üçün buna görə "Instagram"ı günahlandırıram. Bu profil qarşıma çıxanda yetkinlik yaşına çatmış qız olduğunu düşündüm".

Qeyd edək ki, bu Bronerlə bağlı ilk qalmaqal deyil. Boksçu 2018-ci ildə Klivlend şəhərindəki gecə klubunda bir qadına təcavüz etməkdə suçlanmışdı. Həmin vaxt həbs olunsa da, 830 min dollar ödəməyi qəbul edərək azadlığa çıxmışdı.