Aktual mövzular: Dollar alış-satışı, Neftin qiyməti, COP29, Hava proqnozu

Səmədov Bakı finalı haqda - ''Hər şey yaxşı olacaq''

Tarix: 14 May 2019 20:32

"Bakı gözəl şəhərdir. Son illər orda böyük və nüfuzlu idman yarışları, tədbirlər keçirilir”.

Qol.az xəbər verir ki, bu sözləri Rusiyanın "Krılya Sovetov" klubunun futbolçusu Aleksandr Səmədov deyib.

Azərbaycan əsilli yarımmüdafiəçi "Moskva-Bakı" nəşrinə açıqlamasında Avropa Liqasının finalının Bakıda keçirilməsinə münasibət bildirib. O, həlledici matçın paytaxtımızda yüksək səviyyədə təşkil olunacağına inandığını qeyd edib:

“Ümumiyyətlə, təhlükəsizliklə bağlı hansısa problem görmürəm. Düşünürəm ki, hər insan yalnız özü-özünə problem yarada bilər. İnsanlar müxtəlif vəziyyətlərdə özlərini düzgün aparmalıdırlar. Bakıya gəlincə isə, oyunçu kimi orda iki dəfə olmuşam və hər şey çox xoşuma gəlib. Azərbaycan paytaxtdında çox qonaqpərvər əhali var və inanıram ki, hər şey yaxşı olacaq. Çəkinmədən Avropa Liqasının finalına gedə bilərsiniz”.

Xatırladaq ki, Avroliqanın mayın 29-da Bakı Olimpiya Stadionunda keçiriləcək finalında İngiltərənin "Arsenal" və "Çelsi" klubları üz-üzə gələcək.

Whatsapp ilə göndər