Məzahir Pənahov: Namizədlər seçkiqabağı təşviqatda qanunvericiliyə əməl etməlidir

Tarix: 9 Yanvar 2020 17:22

Bakı. Elçin Mehdiyev – Trend:

Deputatlığa namizədlər seçkiqabağı təşviqat başlamazdan əvvəl sosial şəbəkələrdə təşviqat aparmamalıdır.

Trend-in məlumatına görə, bunu Mərkəzi Seçki Komissiyasının sədri Məzahir Pənahov MSK-nın bu gün keçirilən iclasında deyib.

M.Pəhanov bildirib ki, sosial şəbəkələr bugünkü həyatımızı əhatə edib: “Lakin namizədlər təşviqat məsələsində qanunvericiliyə əməl eməlidir. Seçkiqabağı təşviqat yanvarın 17-dən başlayır. Ondan qabaq təşviqat aparmaq Seçki Məcəlləsinə ziddir”.

Qeyd edək ki, fevralın 9-da Azərbaycan Milli Məclisinə növbədənkənar seçkilər keçiriləcək.

Trend-in ən mühüm və maraqlı xəbərlərini "Telegram"da izləyin