Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan elektrik enerjisinə əlçatanlığı ciddi şəkildə artıra bilib - Vüqar Bayramov (VİDEO)

Azərbaycan elektrik enerjisinə əlçatanlığı ciddi şəkildə artıra bilib - Vüqar Bayramov (VİDEO)

Tarix: 15 Yanvar 2020 10:36

Bakı. Elçin Mehdiyev - Trend:

Azərbaycan elektrik enerjisinə əlçatanlığı son illər ərzində ciddi şəkildə artıra bilib. Təbii ki, bu artım bir tərəfdən də infrastrukturun inkişaf etdirilməsi ilə bağlıdır.

Bunu "PREZİDENT. Müstəqillik. Təhlükəsizlik. Rifah" adlı video layihəsi çərçivəsində Trend-ə iqtisadçı ekspert Vüqar Bayramov deyib.

Ekspert bildirib ki, infrastrukturun inkişaf etdirilməsi yalnız paytaxt və iri şəhərlərdə deyil, digər rayonlarda da elektrik enerjisinin praktik olaraq fasiləsiz verilməsinə təkan verir. Elektrik enerjisinin istehsalı həm də elektrik enerjisinin ixracı baxımından əlverişli şərait yaradıb ki, bu da Azərbaycanın elektrik enerjisi ixracatının artmasına imkan verir.

V.Bayramov vurğulayıb ki, elektrik enerjisi ixracatının artması ölkəyə gələn valyuta həcminin çoxalmasına şərait yaradır: “Əvvəllər elektrik enerjisinə olan tələbatı yerli istehsal vasitəsilə ödəməkdə çətinliklər var idisə, hazırda Azərbaycan nəinki yerli tələbatı ödəyir, həm də elektrik enerjisini ixrac etməklə valyuta ehtiyatlarının artmasına töhfə verir”.

Trend-in ən mühüm və maraqlı xəbərlərini "Telegram"da izləyin


Etiketlər:  Azərbaycan elektrik enerjisinə əlçatanlığı ciddi şəkildə artıra bilib Vüqar Bayramov VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ