''Cəfər Cabbarlının nəvəsi məni məhkəməyə vermişdi'' - Xəyalə

Tarix: 23 Yanvar 2020 18:30

Aktrisa Xəyalə Quliyeva illər əvvəl ATV-də yayımlanan "Çəkirəm ha" verilişi ilə bağlı maraqlı məqamları açıqlayıb.

Milli.Az axşam.az-a istinadən xəbər verir ki, "Üçümüz" verilişinə qonaq olan sənətçi bir çox şirkətin, şeir müəllifinin onu məhkəməyə verdiyini etiraf edib:

"Bir dəfə tamaşaçılardan birinə sual verirdim. Mikrofonun maçalkası çıxıb, ona dəydi. Qayıtdı ki, "Köpək qızı".

Bizi elə məhkəmələrə verirdilər ki... Orada məşhur şeirləri, qəzəlləri dəyişir, zarafat sözlərlə toyuğa yozurduq. Bir dəfə Cəfər Cabbarlının "Ana" şeirini toyuğa çevirmişdim: "Əgər bütün yeməklər belə olsa, heç birinə baxmaram. Nədir o, toyuq, toyuq. Bu dadın qarşısında bir qul tək...". Məni Cəfər Cabbarlının nəvəsi məhkəməyə vermişdi.

6 il davam edən veriliş idi. Təmsillər, uşaq şeirləri bitmişdi. Keçmişdik qəzəllərə, böyük poemalara".

Milli.Az