Aktual mövzular: Dollar alış-satışı, Neftin qiyməti, COP29, Hava proqnozu

''Niyə hansısa komandadan qorxaq?'' - Leonardo

Tarix: 10 Fevral 2020 21:34

PSJ-nin idman direktoru Leonardo komandanın tərkibi ilə bağlı açıqlama verib.

Qol.az "L'Equipe"yə istinadən xəbər verir ki, o, Çempionlar Liqasının qazana biləcək heyətə sahib olduqlarını deyib.

"Çempionlar Liqasında finalına yüksəlsək, bu, Fransa üçün yaxşı olacaq, amma final bizə bəs etmir.Əla komandamız olduğu üçün xoşbəxtəm. Kimdə belə heyət var? Neymar və Mbape dünyanın ən yaxşı futbolçuları sırasında TOP-4-dədir. Niyə biz hansısa komandadan qorxaq? PSJ Çempionlar Liqasını uda biləcəkmi deyə həmişə sual var. Amma mən burada sual görmürəm. Bizim Çempionlar Liqasının kubokunu üç dəfə qazanmış qapıçımız var. O cümlədən, ən yaxşı gənc oyunçulara sahibik".

Qeyd edək ki, PSJ ÇL-in 1/8 finalında Dortmund "Borussiya"sı ilə qarşılaşacaq. Bu komandalar arasında matçlar 18 fevral və 11 mart tarixlərində keçiriləcək.

Whatsapp ilə göndər