Aktual mövzular: Dollar alış-satışı, Neftin qiyməti, COP29, Hava proqnozu

Gömrük xidməti əməkdaşları üçün xidmətə ilkin hazırlıq təlimləri təşkil olunub (FOTO)

Tarix: 24 May 2019 08:45

Bakı. Trend:

Mayın 23-də Dövlət Gömrük Komitəsinin Akademiyasında gömrük xidməti əməkdaşları üçün xidmətə ilkin hazırlıq təlimləri təşkil olunub.

Dövlət Gömrük Komitəsindən Trend-ə verilən məlumata görə hazırlıq təlimlərində akademiya heyətinin üzvləri və 37 dinləyici iştirak edib.

Dinləyicilər tədris planı və proqramına uyğun olaraq Daxili İşlər Nazirliyinin atış poliqonunda birinci təlim atış çalışmalarını yerinə yetirib. Daha sonra təhlükəsizlik qaydaları, atışın şərtləri və digər təlimatlarla tanışlıq olub.

9 MM Makarov tipli tapançadan atış qaydalarını məşq edən dinləyicilər praktiki atış çalışmalarını icra ediblər.

Trend-in ən mühüm və maraqlı xəbərlərini "Telegram"da izləyin