Pərviz Bülbülə və Türkan Vəlizadə Murad Dadaşovun qərarına susdular

Tarix: 12 Mart 2020 15:10

Türkan Vəlizadə, Pərviz Bülbülə və Vasif Əzimov bundan sonra Xəzər televiziyasının efirində görünməyəcək.

Sonxeber.net bildirir ki, ölkə.az sözügedən məsələ ilə bağlı Türkan Vəlizadənin meneceri ilə əlaqə saxlayıb. İfaçının köməkçisi Səbinə bildirib ki, ''Türkan Vəlizadə hazırda bu haqda danışmaq istəmir. Əgər danışmaq istəsə, özü əlaqə saxlayıb açıqlama verəcək''. 

Müğənni Pərviz Bülbülə ilə də əlaqə cəhdlərimiz uğurlu alınmadı. Telefona ifaçının qaynı cavab verdi. O, efirin müğənniyə qoyduğu qadağadan xəbərlərinin olmadığını bildirib.

Qeyd edək ki, bundan öncə də Xalq artisti Murad Dadaşov ictimaiyyət arasında bayağı adlandırılan müğənniləri tez-tez iki proqramında ( "5-də 5" və "Ay zaur") qonaq edən aparıcı Zaur Kamala xəbərdarlıq edib. O, müğənnilər Şəbnəm Tovuzlu, Damla, Manaf Ağayev və Mətanət Əsədovaya efir qadağası qoyub.