Aktual mövzular: Dollar alış-satışı, Neftin qiyməti, COP29, Hava proqnozu

Sosial layihələri icra edən şirkətlərdən koronovirusa qarşı mübarizəyə dəstək - 100 000 manat

Sosial layihələri icra edən şirkətlərdən koronovirusa qarşı mübarizəyə dəstək - 100 000 manat

Tarix: 22 Mart 2020 20:21

Bakı. Trend:

Koronavirus (COVID-19) infeksiyasının ölkəmizdə yayılmasının qarşısının alınması istiqamətində Prezident İlham Əliyevin rəhbərliyi ilə kompleks və məqsədyönlü tədbirlər həyata keçirilir.

Əmək və Əhalinin Sosial Müdafiəsi Nazirliyindən Trend-ə verilən məlumata görə, bu sahədə aparılan işlərə “AzNest”, “Avalon 12”, “Lotus Co” və “Aqrikon” şirkətləri də cənab Prezidentin çağırışına qoşularaq öz dəstəyini ifadə edib.

Həssas qruplardan olan vətəndaşların sosial dəstəklə təminatına yönələn layihələrdə uğurlu iştirakı ilə seçilən şirkətlər pandemiya ilə mübarizə kimi ümummilli məsələnin həllində də dövlətin yanında olduqlarını nümayiş etdirdilər.

Dövlət başçısının Fərmanı ilə yaradılmış Koronovirusla Mübarizəyə Dəstək Fonduna bu dörd şirkətin hər biri 25 000 manat olmaqla, ümumilikdə 100 000 manat vəsait ayırıb.


Etiketlər:  Sosial layihələri icra edən şirkətlərdən koronovirusa qarşı mübarizəyə dəstək manat


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ