Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda sosial-iqtisadi sahənin inkişafına kapital qoyuluşları artıb

Tarix: 17 Aprel 2020 11:00

Bakı. Eldar Canaşvili - Trend:

2020-ci ilin yanvar-mart aylarında Azərbaycanın sosial-iqtisadi sahəsinin inkişafına bütün maliyyə mənbələrindən əsas kapitala 2,9 milyard manat vəsait yönləndirilib.

Trend bu barədə Dövlət Gömrük Komitəsinin hesabatına istinadən məlumat verir.

Bu vəsaitlərin 69 faizi, və ya 2,02 milyard manatı məhsul istehsalına, 21,1 faizi, və ya 619,7 milyon manatı xidmət sahəsinə, 9,9 faizi, və ya 288,7 milyon manat yaşayış evlərinin tikintisinə xərclənib.

Əsas kapitala yönəlmiş vəsaitin 58,2 faizi, və ya 1,703 milyard manatını daxili fondlar təşkil edir. Vəsaitlərin 57,5 faizi və ya 1,684 milyard manatı birbaşa tikinti-montaj işlərinə xərclənib.

Kapital qoyuluşlarının ümumi həcmində müəssisə və təşkilatların payı 66,9 faiz, büdcə vəsaitlərinin payı 17,7 faiz, qeyri-büdcə vəsaitləri 8 faiz, özəl vəsaitlər 6,4 faiz, bank kreditləri 4,5 fai, digər vəsaitlər 2,7 faiz təşkil edib.

Whatsapp ilə göndər