Aktual mövzular: Dollar alış-satışı, Neftin qiyməti, COP29, Hava proqnozu

Lukaku ''İnter'' yolunda

Tarix: 2 Iyun 2019 13:28

Geridə qalan mövsümdə A Seriyasını 4-cü pillədə bitirərək, Çempionlar Liqasının qrup mərhələsində oynamağa haqq qazanan "İnter" hücum xəttini gücləndirməyə hazırlaşır.

Qol.az-ın "The Mirror" nəşrinə istinadən yaydığı xəbərə görə, baş məşqçi vəzifəsinə Antonio Konteni gətirən Milan təmsilçisi yeni çalışdırıcının da istəyilə "Mançester Yunayted"in forvardı Romelu Lukakunu transfer edir. Belçikalı futbolçunun özü ilə anlaşmaya yaxın olan italyan klubu üçün yeganə maneə "qırmızı şeytanlar"ın tələb etdiyi təzminat məbləğidir. Mankunyanlar 26 yaşlı hücumçuya görə 75 milyon funt-sterlinq istəyir. "İnter" rəhbərliyi isə həmin məbləği aşağı azaltmağa çalışır.

Qeyd edək ki, 2017-ci ilin yayında "Everton"dan alınan Lukaku "Mançester Yunayted"in heyətinə meydana çıxdığı 96 oyunda 42 qol vurub, 13 məhsuldar ötürmə verib.

Whatsapp ilə göndər