Aktual mövzular: Dollar alış-satışı, Neftin qiyməti, COP29, Hava proqnozu

''Ukraynadakı kimi biz də yerli məşqçimizə niyə şans verməyək? - Vəli Qasımov

''Ukraynadakı kimi biz də yerli məşqçimizə niyə şans verməyək? - Vəli Qasımov

Tarix: 2 May 2020 10:32

“Belə vəziyyətdə millinin baş məşqçiliyinə yerli mütəxəssisin gətirilməsi ən yaxşı variant olar. Sərhədlər bağlıdır, oyunlar yoxdur. Ona görə də yetərincə yerli mütəxəssisimiz olduğu halda xarici məşqçi axtarmaqda məna görmürəm”.

Qol.az-ın azerisport.com saytına istinadən yaydığı xəbərə görə, bu sözləri milli komandamızın sabiq hücumçusu Vəli Qasımov deyib. Millinin boş qalmış baş məşqçi vəzifəsi ilə bağlı fikirlərini açıqlayan veteran futbolçu yerli mütəxəssisin təyinatını dəstəklədiyini söyləyib:

“Mən Andrey Şevçenko ilə məşqçilik lizensiyası üçün birgə oxumuşam. Onun xarakteri ağırdır. Hamı deyirdi ki, Ukrayna millisində ona çətin olacaq. Buna baxmayaraq, Şevçenko komandasını yeni səviyyəyə çıxara bildi. Bizim Şevçenko kimi böyük oyunçumuz yoxdur. Amma niyə Ukrayna təcrübəsində olduğu kimi, yerli mütəxəssisimizə şans verməyək? Bu təcrübə nəyə əsaslanır? Şevçenkonun köməkçiləri italyan və ispandır. Niyə biz də belə təcrübədən yararlanmayaq? Fərqi nədir... Yerli məşqçi xarici köməkçiləri ilə daha effektli olacaq. Çünki o, bizim mentalitet və futbolçulara yaxşı bələddir”.

 


Etiketlər:  Ukraynadakı kimi yerli məşqçimizə niyə şans verməyək Vəli Qasımov


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ